სიახლეების გამოწერა
გამოწერა
გამოწერის გაუქმება
გამოწერის გაუქმება
გაუქმება
სიახლეების გამოწერა
ოჯახური ტრადიცია ქცეული ოჯახურ ბიზნესად

გივი ნინიძე   წარმოშობით გურიიდან, სოფელ ვაკიჯვარიდანაა. ჰყავს მეუღლე და 2 შვილი . მან არ მიატოვა მშობლიური გურია და ადგილობრივ საავადმყოფოში ექიმის კეთილშობილურ საქმეს ერთგულად ემსახურება.

პატარაობიდანვე ყოველთვის უნდოდა თაფლი ეწარმოებინა  და ხელსაყრელ დროს ელოდა.

"შეღავათიანი აგროკრედიტის პროგრამის" შესახებ სატელევიზიო რეკლამიდან  შეიტყო და მყარად გადაწყვიტა ოჯახური ტრადიცია  - ოჯახურ ბიზნესად ექცია. როგორც თავად აღნიშნავს მისი დიდი ბაბუა თაფლს აწარმოებდა.  

მისი თქმით, მეფუტკრეობა კეთილშობილური საქმეა, ამ საქმეში მთავარია ფუტკარს ხელი შეუწყო, შემდეგ კი ის საკუთარი შრომით ქმნის დოვლათს, ასევეა მცირე მეწარმეობაც, დახმარება აუცილებელია. სახელმწიფომ დახმარება გაუწია და ახლა ის მზადაა ქართული უნიკალური თვისებების მქონე თაფლი ევროპულ ბაზარზე გაიტანოს.

იმედით შეჰყურებს მომავლს და ეამაყება, რომ პაპისეული ტრადიცია აღადგინა და ოცნება აიხდინა, რომელსაც მისივე თქმით „შეღავათიანი აგროკრედიტის პროგრამის“ გარეშე ალბათ მცირე მასშტაბით და მხოლოდ 6-7 წლის შემდეგ თუ განახორციელებდა.

უყვარს თავისი მხარე და აღნიშნავს, რომ გურია საქართველოს პირველი რეგიონია, სადაც ფუტკრის დედების ხელოვნური განაყოფიერების სადგური არსებობს. ამისათვის მან 2013 წელს შეღავათიანი აგროკრედიტით ისარგებლა, თავის საქმეში განახორციელა 35,000 აშშ დოლარის ინვესტიცია, რომლიდანაც 30,000 შეღავათიანი აგროკრედიტი იყო.

ახალი წლის შემდეგ გეგმავს  სოფლის მეურნეობის სამინისტროს მიერ ინიცირებულ კიდევ ერთ ”გადამამუშავებელი და შემნახველი საწარმოების თანადაფინანსების პროექტში“  მიიღოს მონაწილეობა და თაფლის ჩამოსასხმელი/დამფასოებელი საწარმო გახსნას. ამით მას მეტი თაფლის წარმოების და რეალიზაციის შესაძლებლობა ექნება და რაც მთავარია წინაპრების ტრადიცია აღორძინდება და მომავალ თაობას გადაეცემა.

13 მარტი